Wie kumm i zue de Zepf?


Bisch e Haimweh Basler(e) und wettsch au z Ziri ab und zue emol Baseldytsch heere und schwätze? Denn bisch bi uns am rächten Ort! Egal eb Pfyffer/in, Dambour/in oder Vorträbler/in: Interessäntinne und Interessänte sin bi uns allewyl härzlig willkomme!!!

 

Kumm doch aifach emol unverbindlig go yyneluege!

 

Me kah uns jede Donnschtig Zobe (usser während de Summerferie) ab em Sibeni (19:00h) an unserem Stammdisch im Restaurant "Weisser Wind" aadräffe. Am viertel vor Achti (19:45h) gohts denn jewyls los mit de Iebige fir d Pfyffer und Damboure.

 

Falls de gärn wyteri Infos hättisch, denn gohsch grad iber dä Link uf d'Kontaggt-Syte und schribsch e eleggtronischs Briefli an unsere Obmaa. 

 

Mir fraie-n-is iber Di Poscht, oder wenn Du aifach emol bi uns am Stammdisch kunsch go verby luege!!!


Bydrittserklärig


Wenn de findsch, dass mr aigetlig no ganz e glatte Huffe sin, no fill doch das Formular us, wo de wyter unde kasch abelaade.


Wyteri Infos und Erklärige zu däm ganze Prozedere griegsch bi unserem Vorstand oder iibers Kontaggt-Formular!

Download
Bydrittserklärig
Usdrucke und and Schrybere schigge!
Beitrittserklärung Passive.pdf
Adobe Acrobat Dokument 62.8 KB