Die "Basler Zepf, Ziri" teilen mit, dass ihr Aktivmitglied und

amtierender Obmaa

 

Andreas Knuchel

 

am Mittwoch, den 21. Juni verstorben ist.

 

 

Sit 2007 isch dr Andreas Aggdivmitgliid bi uns Baslerzepf und vom
2011 bis hit Obmaa gsii.


Laider isches im Andreas scho an dr disjäärige Fasnacht gsundhaitlig nit guet gange und är het sich scho no wenige Stunde
wieder in Spitalbehandlig miesse bigää.
Au am Bummel het är numme kenne kurz am Midaagässe dailnää
um sich aschliessend wieder kenne z erhoole.


Mir Zepf hänn guet gmerggt, asses im Andreas gsundhaitlig laider
gar nit guet goot. Trotzdäm kunnt die Nochricht unerwartet und fir
uns alli sehr iberraschend.

 

Dr Andreas isch mit Lyyb und Seel bi uns drby gsii und het sy Amt
gäärn ghaa.

 

Andreas, mir wintsche dir Friide und dangge fir die vyyle Dräffe
im Grais vo uns. Mir wärde di vermisse und Du wirdsch uns immer
in gueter Erinnerig blyybe.

 


Die Abdankungsfeier findet am Dienstag, 11. Juli um 14.00 Uhr auf
dem Gottesacker Riehen statt.


Zürich, im Juni 2017



 

 

 

Wettsch is kennelehre?

Denn kumm go yyneluege!!

 

Meh Infos

 

 

 

 

 

Fasnachtsclique Basler Zepf Ziri

Haimwehbasler - Syt 1951



Bisch...

Bisch e Haimwehbasler und e guete Typ?

Und Fasnacht mache isch di allerheggschtes Gligg?

Wottsch aggdiv Fasnacht mache, schaffsch in Ziri?

Zaalsch deert au d Styyre, extrem dyyri?

Wottsch...

Wottsch Vordraab mache, d Zeedel kehre?

Villicht au pfyffe oder drummle lehre?

Eb Männli oder Wybli, bi uns isch Gselligkait no wichtig!

Und am Donnschtig Zobe iebe mr so richtig.

Z Ziri im Zunfthuus Wysse Wind.

Das waiss biraits scho jedes Kind!

Inträsse?

Hesch Inträsse?

Drno lyyt aifach aa!

Dr Vorstand wird si Fraid dra ha!